termu'eske ctuca

detri fa 2015-11-10 00:00:00 +0800

ni’o la xaimon cu jungau mi tu’a lo termu’eske ctuca pe ca lo nu verba .i cy cu xamsku tu’a lo pafmamta .i xy cu morji lo nu cy ca lo nu ctuca cu cusku lo du’u lo mi pafmamta cu morsi .i ca lo nu cy klasazri gi’e tolcfagau ki’u lo fletrogusmi’i ku cy viska lo mlatu .i cy pilno lo gusni lo nu ci’erkei .i cy cusku lo du’u ca lo nu verba ku cy pilno lo simsa gusni lo nu ci’erkei lo pafmamta

ni’o xy kakne so’ida .i mi suzroi djuno lo du’u da memcre zmadu vi lo minje

tarci

detri fa 2015-11-09 00:00:00 +0800

ni’o lo tarci cu melbi ca lo nicte .i mi’a zgana lo tarci vi lo brablo

bangrtai

detri fa 2015-11-08 00:00:00 +0800

ni’o cinri fa lo du’u lo bangrtai cu na pilno lo te pandi

ka remna

detri fa 2015-11-07 00:00:00 +0800

lu na curmi sei la .haimon. cu cusku .i da na jmive secau lo ka prami li’u .i doi .haimon. mi pacna lo nu do drani

plinyxabykoi

detri fa 2015-11-06 00:00:00 +0800

ni’o mi djuno lo du’u ca lo cabdei ku mi’a cu pagre lo plinyxabykoi .iseki’ubo mi reisku fi lo nixli fe lo du’u ca ma mi’a cu pagre .i lu .ue mi’a pu pagre ca lo cerni sei lo nixli cu cusku .i do ca lo cerni mo li’u .i lu mi sipna sei mi cusku li’u .i li .uu sei lo nixli cu cusku li’u

tepsla

detri fa 2015-11-05 00:00:00 +0800

ni’o lu ta’i ma do selci lo tepsla vi lo mergu’e sei mi reisku li’u .i lu tersla sei spusku li’u .i lu xu .ue po’o dansu tersla li’u .i lu go’i li’u

lo nu krixa

detri fa 2015-11-04 00:00:00 +0800

ni’o le te terctu cu cpedu lo nu ro mi’a cu krixa ro da poi raktu ca lo nu mi’a litru vi lo gugdesunu .i lo nu krixa cu ranji ca’o lo mentu be li re

la'o gy. Nacirema gy.

detri fa 2015-11-03 00:00:00 +0800

ni’o le te terctu cu dunda mi’a lo lisri .i ly se srana lo prenu pe la’o gy. Nacirema gy .i ba lo nu tcidu ku mi’a cusku lo du’u la’o gy. Nacirema gy. cu drata gi’e cizra .iku’i ro lo lisri cu se srana mi’a .i la’o gy. Nacirema gy. cu fatne la’o gy. American gy.

nandu

detri fa 2015-11-01 00:00:00 +0800

ni’o ro da noi
zasti ne’i lo munje
cu nandu
.iganai do prami
gi lo zasti cu frili

lo lijda prenu poi zvati la’o gy. Keur Massar gy. cu cusku da’e

lo se dikle'i

detri fa 2015-11-01 00:00:00 +0800

ni’o badri lo nu fau lo nu mi’a jinvi lo nu mi’a dukse te ca’irdi’a ku lo vecnu cu dikle’i lo fepni be li reno .i fy cu mleca lo nacmecrai se dikle’i pe vi lo merko

lo braxamsi boxna

detri fa 2015-11-01 00:00:00 +0800

ni’o ba lo nu lo bloti cu marce fi lo braxamsi sefta ku lo sy boxna cu drata lo boxna pe lo nu na go’i .i lo sy boxna cu ranti .i lo drata cu kinli

lo nu se sorprekarce

detri fa 2015-10-31 00:00:00 +0800

ni’o cinri fa lo sorprekarce pe vi la’o gy. Dakar gy .i viku blanu sorprekarce gi’e blabi sorprekarce gi’e ge blanu gi blabi sorprekarce gi’e pelxu sorprekarce co dukse selja’i .i na zasti fa lo cartu be lo sorprekarce .iji’a lo sorprekarcytcana dagysni cu na frili se jimpe .i ro da cu cinri gasnu lo nu se sorprekarce noi mi ca lo cabdei cu lifri

ni’o pamai se zukte fa lo nu zvafa’i lo sorprekarcytcana .i mi klama lo remgunma zarci .i lo clani depstu cu simsa lo sorprekarcytcana .iku’i na dagysni .i mi retsku lo prenu poi denpa lu xu viku lo sorprekarce poi tcita lo pamai cu se tcana li’u .i py na se bangu lo glibau .iseki’ubo mi pilno lo mi xance lo nu xanle’u la’e li pa .i py jimpe .i py jinvi cusku .i mi denpa

ni’o lo zarci cu ge remgunma gi savru ckaji .i mi denpa ba lo cacra be li pimu .i na sorprekarce co tcita la’e li pa .i mi cliva .i mi klama lo zarci mo’ica’uku .i mi jinvi lo du’u mi fliba .iku’i mi penmi lo karce

ni’o lo nu klasazri cu masno .iku’i cinri

lo xekri

detri fa 2015-10-30 00:00:00 +0800

ni’o la brandas cu pa cusku lo cinri lisri ca lo jarco .i by briko .i lo by skapi se skari cu manku .i by cu jai se jinvi fa by fe lo merko fai lo bu’u by xekri .iku’i vi lo lazyzda by na cu jai se jinvi fai lo bu’u by xekri .i ti midju manku .i lo gugdesudu prenu cu xekri

lo buklolgai

detri fa 2015-10-29 00:00:00 +0800

ni’o pa lo nixli cu jungau mi lo cinri lifri .i vi la’o gy. Marrakech gy. ny cu cadzu lo klaji .i lo vacnu cu reisku lo du’u xukau ny djica lo nu klama lo zaisle be fo vy .i ny cu na xamgu kakne lo nu fitytoltu’i .iseki’ubo ny klama .i vy reisku lo du’u xukau ny djica lo nu terve’u lo buklolgai .i ny cu na xamgu kakne lo fitytoltu’i .iseki’ubo ny selve’u sepi’o so’i lo jdini .i ki’u lo nu pilno so’i jdini ku ny na nelci lo bi’unai buklolgai .i ny tikpa by ca ro lo djedi

la pinpon

detri fa 2015-10-28 00:00:00 +0800

ni’o mi .e la’o zy. Haimeng zy. bolkei la pinpon .i la’e di’u cu paroi xadypalmu’u vi lo brablo .i mi nelci lo se cinmo pe lo nu bolkei .i lo brablo cu desku .i lo xamsi cu blanu .i melbi

lo temci

detri fa 2015-10-27 00:00:00 +0800

ni’o mi cfasanji lo nu mi tolcando ca’oze’u .i lo temci na banzu .i lo ckule gunka cu dukse .i ju’ocu’i .ei mulgau lo nu mi .ei mulno ca’o lo djedi

lo cerni

detri fa 2015-10-26 00:00:00 +0800

ni’o melbi fa lo cerni be fi la’o gy. Fez gy .i lo janbe pe vi lo tcadu cu cladu skumi’e lo muslo prenu lo nu jdaselsku .i funca fa lo nu mi za’o cikybi’o .i la’e di’u se djecacrytcika li xa ca lo cerni .i lo sorprekarce cu xa’o tolpo’u .i lo prenu cu xa’o cadzu ja carvrama’e .i lo karce cu xa’o klama vi lo dargu .i lo zdadi’u cu melbi .i pluja pluta

lo nu lerci

detri fa 2015-10-25 00:00:00 +0800

ni’o mi reroi lerci klama lo trene .i lo nu djuno lo nitcu temci cu na frili .iki’ubo ti steba

lo verba se zvati

detri fa 2015-10-24 00:00:00 +0800

ni’o mi klama lo zdani be lo diklo prenu .i lo selvi’e cu sabji lo cidja mi’a .i mi cfaga’e lo du’u lo nomoi cidja cu simsa lo nomoi cidja pe du’u lo mi verba se zvati

ni’o lo selvi’e cu kulmu’o puviku .iku’i mi’a na tavla so’i lo smuni culno

lo lutnilcla

detri fa 2015-10-24 00:00:00 +0800

ni’o mi cadzu vi lo nenri tcadu be la’o gy. Marrakech gy .i mi viska lo purdi sepi’o lo farna pelji .i mi cipcta sepi’o lo mi selbeifonxa .i zvati clani metre li re ki’o .i mi jinvi lo du’u ti zvati clani tordu .iseki’ubo mi jdice lo du’u mi cadzu klama lo purdi

ni’oku’i mi pilno lo cacra .i mi djuno lo du’u mi dubji’isre lo lutnilcla

lo verba se zvati

detri fa 2015-10-23 00:00:00 +0800

ni’o ca lo remoi djedi mi zvati lo zarci pe vi la’o gy. Marrakech gy .i ro pluta cu pluja se farna gunka .i lo zaisle cu fe’eroroi stuzi .i lo prenu cu fe’eroroi klama .iku’i mi cinmo lo ka zvati tu’a lo mi verba .iki’ubo ca lo nu mi verba mi nelci lo nu klama lo tai zarci .iji’a lo nixli noi di’i zvati lo gugdesugu cu cusku lo du’u cinmo lo simsa

lo bangu

detri fa 2015-10-22 00:00:00 +0800

ni’o mi pare’u klama lo gugde poi vi ke’a so’i prenu na se bangu lo glibau .iseki’ubo lo nu tavla cu nandu .iku’i re lo se zukte cu pu snada .i corci .i cisma

ni’o xagrai se zukte fa lo nu cilre lo vi bangu

lo penmi prenu

detri fa 2015-10-21 00:00:00 +0800

ni’o capyju’i lo nu pendo gasnu lo mi penmi .i na krinu fa lo nu mi na nelci lo nu pendo .iku’i krinu lo nu ronai da cu xamgu pendo .i mi pendo gasnu lo so’i prenu ca lo nu mi zvati la’o gy. Hacker School gy .i mi .e py selfai so’i da noi ckini lo skami .iku’i mi na selfai so’i ca lo nu mi cmizu’e la’o gy. Semester at Sea gy .iseki’ubo mi na pendo so’i da viku

cargau lo junla lo ni cacra lo purci

detri fa 2015-10-20 00:00:00 +0800

ni’o mi’a vi lo barblo cu cargau lo junla lo ni cacra lo purci .i mi cpacu lo ziljmina cacra .i mi’a su’o re roi cargau .ije lo barblo prenu cu pilno lo cacra lo nu cilre gi’a ciska gi’a mencti lo skina .i mi’a gleki gi’e se sidju cy lo nu dragau lo mi’a temci cretro

ni’oku’i fau lo nu mi zanfri cy kei mi pensi cusku lu xu mi cirko lo mulno djedi ca lo temci li’u

lo sanga

detri fa 2015-10-19 00:00:00 +0800

ni’o mi’a cu klama la’o gy. Monsterrat gy .i lo xismalsi cu vi zvati .i lo verba cu sanga ne’iku ca lo dormidju .i melbi

carvrama'e

detri fa 2015-10-19 00:00:00 +0800

ni’o detri jbini li pi’epi’e 15 .e li pi’epi’e 18 fau lo nu mi carvrama’e .i mi kansa lo re nixli poi mi penmi ke’a bu’u lo brablo .i lo se penmi cu xamgu kakne lo nu jikca .ije mi mutce co cilre lo nu ta’i so’o makau mi jikca ca lo nu mi litru

ni’o ca lo pamoi djedi mi .e lo re kansa cu klama lo carvrama’e zaisle bu’u la’o gy. Valencia gy .i ca lo su’omoi kei mi .e ky cu se spusku lu xu do birti li’u .i lo zaisle prenu cu na krici lo du’u lo nanla .e re lo nixli cu kakne lo nu carvrama’e klama la’o gy. Barcelona gy. la’o gy. Valencia gy.

ni’o ca lo pamoi lecydo’i mi reroi farcri .i mi na joska’e lo kibro .iseki’ubo mi cuxna lo farna ta’i lo cunso .iku’i mi snada co troci lo nu klama lo xamsi korbi .i ti melbi

ni’o ca lo remoi djedi mi gleki lo du’u mi na nitcu lo nu platu lo farna .ije mi cinri tavla lo re nixli lo nu jikca .i mi ny cu mo’u tugni lo du’u mi .ei cilre lo du’u ta’i makau cu mi jikca

ni’o ca lo cimoi djedi mi po’o klama .i mi facki lo mivmu’e panka poi bu’u ke’a mi kakne carvrama’e .i mi kansa no da .iseki’ubo mi gleki

ni’oku’i mi fi ny danba ca lo cimoi nicte .i ki’u lo nu mi na ponse rau jdini .i mi carvrama’e za’u re’u ca lo nicte .i ti ckape je cinri

lo cikre relxilma'e prenu

detri fa 2015-10-18 00:00:00 +0800

ni’o mi se raktu lo nu mrilu lo mi relxilma’e lo krasi .i mi pamoi cusku lo du’u makau cu se nitcu .iku’i lo vecnu na jimpe .i mi klama lo drata zaisle .i mi penmi lo cikre relxilma’e prenu .i py dafyfa’i ca lo clatei .i kargu .i pedypa’i

lo nu na penmi

detri fa 2015-10-17 00:00:00 +0800

ni’o mi carvrama’e klama lo mivmu’e noi na penmi lo drata prenu .i my smaji .i my melbi .i mi carvrama’e klama ca’o lo cacre be li re .i lo nu na penmi cu xamgu lifri

lo nu girzu litru

detri fa 2015-10-16 00:00:00 +0800

ni’o lo nu girzu litru cu na frili .i lo te jansu cu cfari .i lo toltu’i cu cfari .i mi nelci lo nu girzu litru penmi lo skami prenu

lu xu do birti li'u

detri fa 2015-10-15 00:00:00 +0800

ni’o mi’a cu ca facki lo zaisle poi vi ke’a terve’u lo relxilma’e poi sepi’o ke’a klama fa la’o gy. Valencia gy. la’o gy. Barcelona gy .i mi’a cusku lo se pacna pa lo zaisle .i zy spuda cusku lu xu do birti li’u

lo nu fizbu

detri fa 2015-10-14 00:00:00 +0800

ni’o la fionas cu cusku lo du’u ti fizbu lo nu carvrama’e ca lo bavlamdei .iku’i xanka lo jifxu’a cu cfari

noda

detri fa 2015-10-13 00:00:00 +0800

ni’o noda cu cfari ca lo cabdei .i lo jmive cu na roroi cinri

la bisli

detri fa 2015-10-12 00:00:00 +0800

ni’o vi lo brablo ku mi viska lo skina pe la bisli .i mi puze viska sy .iku’i lo nu remoi viska cu drata

lo pipno

detri fa 2015-10-11 00:00:00 +0800

ni’o ca lo cabdei lo fasnu cu cfari .i fy ca’icpe lo nu lo te girzu cu zgipli lo pipno .i so’i lo te girzu na kakne lo nu zgipli lo pipno .i cinri fa lo nu tirna lo zgike poi lo te girzu cu finti

lo fliba

detri fa 2015-10-10 00:00:00 +0800

ni’o lo fliba cu fliba .iku’i do cilre fo lo fliba pe vi la’o gy. Greece gy.

lo zdacau

detri fa 2015-10-09 00:00:00 +0800

ni’o lo prenu poi pa zdacau cu gidva mi’a lo nu klama lo stuzi pe lo zdacau .i mi’a retsku lo du’u jinvi makau pe lo zdacau poi cpedu lo jdini .a lo cidja .i py dafsku lo du’u zy na xamgu zdacau gi’e mi’a .ei na dunda zy lo jdini .a lo cidja ki’u lo nu la’e di’u mukti lo nu zy ba zdacau je cpedu

lo zairsnucu'u prenu

detri fa 2015-10-08 00:00:00 +0800

ni’o mi tavla lo zairsnucu’u prenu .i mi reisku lo du’u py nelci lo nu lo skami prenu cu mo .i py spuda lu zmadu co jungau li’u

lo tcepru bangu

detri fa 2015-10-07 00:00:00 +0800

ni’o mi penmi lo tcepru bangu vi la’o gy. National Archlogical Museum gy .i lo bi’unai tcepru bangu cu simsa lo jungo tcepru bangu

lo sutra kibro

detri fa 2015-10-06 00:00:00 +0800

ni’o mi facki lo sutra kibro ca lo cabdei .i mi cfasanji lo du’u lo sutra kibro cu vajni .iku’i mi na so’i zei gasnu

lo litru jibri

detri fa 2015-10-05 00:00:00 +0800

ni’o mi tirna lo nu re lo ve balcu’e cu tavla fi lo litru jibri .i cinri fa lo nu do kakne lo nu cilre ti sepi’o lo nonseldi’a

zvijonse lo kibro

detri fa 2015-10-04 00:00:00 +0800

ni’o mi’a na kakne lo nu jonse lo culno kibro vi lo brablo .iku’i cumki fa lo nu zvijonse lo kibro .i mi’a kakne lo nu jonse la uikipedias .i la uikipedias cu se pilno fi lo ve cusku .i cusku’i lo vlapoi pe vi la uikipedias .i jonse lo kibro

lo nicte sorprekarce

detri fa 2015-10-03 00:00:00 +0800

ni’o ganai mi capyju’i zgana ca lo nu mi klama fu lo nicte sorprekarce gi mi facki lo cinri .i ca lo cerni ku mi facki lo pendo cu zvati lo mintu sorprekarce

lo nu cadzu vi lo cmana

detri fa 2015-10-02 00:00:00 +0800

ni’o mi nelci lo nu cadzu vi lo cmana .i zmadu lo nu cadzu .i fau lo nu cadzu vi lo cmana ku pensi fa mi .i mi so’eroi pensi lo pijyske .i mi mo .i mi klama fi ma .i mi klama fe ma .i mi nelci lo nu cadzu vi lo cmana

lo nu xalbebna

detri fa 2015-09-30 00:00:00 +0800

ni’o mi xalbebna ca lo cabdei .i mi zvati lo cmalu daplu .ije citka lo dormijysai gi’e kansa lo pendo .i mi citka lo so’u xalka .i mi xalbebna .i mi na kakne lo nu skicu lo cnirango be lo nu mi xalbebna

lo dijypanka

detri fa 2015-09-29 00:00:00 +0800

ni’o cinri fa lo nu zutse lo dijypanka gi’e viska lo prenu .e lo dacti vi la’o gy. Bell Tower gy .i mi viska so’i lo prenu poi terxra .i lo prenu cu citka lo bisyladru .i lo verba cu bajra .i lo verba cu nitkla fo lo serti .i lo verba cu vobmipri ci’erkei .i mi viska lo mi pendo poi rinsa gi’a na rinsa .i ca lo suksa lo serti poi mi zutse cu tisna lo prenu .i kacma co ralte fa lo prenu .i victerlu’i jajgau prenu .i prenu co reisku lo farna .i ca lo suksa ku re lo ninmu cu masno gi’e rinsa

lo pavnid skina ca'o lo nanca

detri fa 2015-09-27 00:00:00 +0800

ni’o lo prenu cu zbasu lo pavnid skina ca’o lo nanca .i ti cinri gi’e melbi

lo du'u xukau lo lijda cu sarcu

detri fa 2015-09-26 00:00:00 +0800

ni’o mi’a dausnu lo du’u xukau lo lijda cu sarcu .i cinri fa lo se lijda cu da’asnu kambandu lo ly lijda

lo te platu litru

detri fa 2015-09-25 00:00:00 +0800

ni’o mi penmi lo drata ve balcu’e ca lo dormijysai temci .i djugau mi lo du’u by nelci lo nu vitke lo te platu litru .i cinri ki’u lo nu mi nelci lo nu nonkansa litru gi’e by cu na xamgu kakne lo nu tavla ku co simsa mi

lo romoi djedi pe vi lo blotcana

detri fa 2015-09-24 00:00:00 +0800

ni’o cabdei fa lo romoi djedi pe vi lo blotcana .i ti simsa lo se tcena zeldei nicte .i do ciska lo pu lifri .i do pensi .i xamgu

lo pedypa'i prenu

detri fa 2015-09-23 00:00:00 +0800

ni’o mi penmi lo pedypa’i prenu vi la’o gy. Naples gy .i ca lo nicte mi puzi darca la’o gy. Naples gy .i mi na djuno lo farna .i fau lo nu mi viska lo farna pelji ku lo prenu cu reisku lo du’u fe makau fa mi klama .i py sabji lo farna .iku’i mi na facki lo farna ze’abaku .i mi reisku lo drata prenu .i py klama lo xotli gi’e dunda mi lo farna pelji

ni’o xamgu fa lo pedypa’i prenu

la nunzi'e prexra

detri fa 2015-09-23 00:00:00 +0800

ni’o vi la’o gy. San Marino gy. zvati fa la nunzi’e prexra .i drata fa la nunzi’e prexra lo prexra pe vi la’o gy. New York gy .i py pe vi la’o gy. San Marino gy. cu tolci’o zmadu .i lo py pritu jamfu cu crane zmadu .i lo py pritu xance cu ralte lo kilga’axa’i .i melbi

lo pedypa'i prenu

detri fa 2015-09-22 00:00:00 +0800

ni’o mi farna facki vi la’o gy. San Marino gy .i mi pemni lo pedypa’i prenu poi cusku lu xamgu funca li’u

citno dukse fi lo nu litru

detri fa 2015-09-21 00:00:00 +0800

ni’o mi penmi so’i lo tolci’o prenu poi litru .i ju’ocu’i mi citno dukse fi lo nu litru

lo diklo ve balcu'e

detri fa 2015-09-20 00:00:00 +0800

ni’o vi lo la’o gy. Florence gy. makcubi zei xotli ku mi penmi lo diklo ve balcu’e poi ca lo bavlamdei cu klama lo balcu’e .i .ue ki’u ma cu zasxa’u fa lo diklo ve balcu’e lo makcubi zei xotli?

la lisp

detri fa 2015-09-19 00:00:00 +0800

ni’o mi jinvi lo du’u la rom cu tcadu co dukse larcu .i lo larcu cu fe’eroroi .iku’i lo ka larcu cu drata lo ka saske .i ly noroi dukse .i melbi

lo mrilu karda

detri fa 2015-09-18 00:00:00 +0800

ni’o mi nelci lo nu benji lo mrilu karda .i ge benji sepi’o lo mrilu gi benji sepilo lo xance .i mi benji ky lo prenu noi mi jinvi lo nu mi ba na penmi ke’a .i mi benji pa lo karda ca lo cabdei

lu xu do litru li'u

detri fa 2015-09-17 00:00:00 +0800

ni’o ca lo nu mi’a zvati la’o gy. Tarquinia gy. lo ninmu girzu cu mibykla .ije gy reisku lu xu do litru li’u .i ba lo nu djuno mi’a je’a litru ku cisma cliva .i ju’ocu’i gy facki lo te sidju

lo pelxu zdadi'u

detri fa 2015-09-16 00:00:00 +0800

ni’o .ue lo zdadi’u pe vi la’o gy. Civitavecchia gy. cu pelxu .i lo drudi cu so’eroi pinta .i cinri

lo ronru'u be li munono

detri fa 2015-09-15 00:00:00 +0800

ni’o mi se raktu vi lo vijytcana .i lo jitseldejykarda cu na tolpo’u .i lo te bende cu cpedu lo mi’a te jbera lo jdini .i sukckape gi’e dafyfa’i fa mi’a .i ca lo pruce ku lo prenu cu ponse lo ronru’u be li munono .i mi’a se spaji gi’e .ije lo nabmi cu danfu

la .efir

detri fa 2015-09-14 00:00:00 +0800

ni’o mi mutce djica lo nu vitke la .efir .i ebu cu melbi .i fau lo nu mi ci’erkei la’o gy. Sid Meier’s Civilization gy cu mutce djica lo nu zbasu ebu .i ca lo prulamdei mi .uo vitke lo fraso .iku’i ki’u lo tortei mi na kakne vitke .i ca lo cabdei mi zvati lo fraso .iku’i mi fricau lo nu vitke

ni’o ju’ocu’i bavlamke’u

fraso kumfa

detri fa 2015-09-13 00:00:00 +0800

ni’o mi’a puca zutse lo trene be fi lo ka klama la’o gy. Le Havre gy. la’o gy. Paris gy .i mi’a viska lo fraso kumfa pe vi lo cmama’a .i lo drudi be ky cu so’eroi bunre .i lo dargu ga’u preja lo cmama’a .i cinmo lo ka smaji je kufra .ije lo nixli pe mi’a cu cinri cusku lo ka djica lo nu xabju ti ca lo nu ny laldo

lo jundi sipna senva

detri fa 2015-07-27 00:00:00 +0800

ni’o mi jundi sipna senva .i mi sipna ne’i la’o gy. Recurse Center gy .i mi tatpi .ije mi jundi lo ka cikygau .iku’i mi djuno lo nu mi ca sipna .i mi muvdu le ralju kumfa pe la’o gy. Recurse Center gy .ije ba lo mentu be li pa ku mi cikygau krefu

na ponse loi so'i sidbo

detri fa 2015-07-21 00:00:00 +0800

ni’o mi ca na ponse loi so’i sidbo .i mi na djuno ta’i makau mi sampla la sid .ija’ebo mi tadni la lojban .e la’o gy. Ocaml gy .e la’o gy. Logic Programming gy .i lo ka gleki cu nandu

junde lo drata prenu

detri fa 2015-07-20 00:00:00 +0800

ni’o mi se nandu loka morji lo cmene pe lo drata prenu .i mi na djuno lonu makau krinu .i ca lo djedi ku mi tcidu lo papri noi skicu lo mintu .i lo prenu cu spuda fi lonu ki’u lonu do na junde lo drata prenu

rau sutra gunka

detri fa 2015-07-19 00:00:00 +0800

ni’o mi na rau sutra gunka ca lo cabdei .iseki’ubo mi kelci la’o gy. Cities Skylines gy. ca ro pu lo djedi .i mi pensi lo nu xu mi .ei zmadu tolsurla gunka ba .i mi pensi

loka menli

detri fa 2015-07-19 00:00:00 +0800

ni’o loka menli cu terzu’e fe ma? .i fa loka menli cu terzu’e ki’u loka krefu tamgau

loka cizra

detri fa 2015-07-19 00:00:00 +0800

.i du’e loka cizra cu toi se zarcpa
.i pimo’a loka cizra cu cnano
.i rau loka cizra cu spaji je se nelci ro lo prenu
ki’u lo bu’u rau ti cu se jimpe korbi

lo drata prenu nabmi

detri fa 2015-07-19 00:00:00 +0800

ni’o lo prenu cu e’o jimpe lo nu lo ka na jimpe mi ca so’e lo tcini cu nabmi do .enai mi

lifri nunji'e

detri fa 2015-07-19 00:00:00 +0800

ni’o lo nunji’e na prane .iku’ibo fe lonu nunji’e cu vamji ki’u loka menli

ciska bau la lojban

detri fa 2015-07-19 00:00:00 +0800

ni’o mi cu ciska .ui bau la lojban .i ca lonu mi go’i cu tolgu’i lonu pensi lonu drata prenu pensi lo bu’u makau mi ciska .i ti dunda lo ka selzi’e ku mi

.i mi cu ciska .ui bau la lojban

lonu zasysti

detri fa 2015-07-18 00:00:00 +0800

ni’o mi zasysti lo nu ciska la karni nei ku .i lonu mi toi vedli cu krinu .i mi ca ningau ti

tavla fi la lojban ri

detri fa 2015-07-13 00:00:00 +0800

ni’o mi facki lo uitki papri lonu tavla fi la lojban ri .i ca lonu reisku lo valsi be la lojban ku cu cusku lu .i ma valsi zoi gy. zo’e gy. la lojban li’u .i ca lonu reisku lo smuni be lo lojbo valsi ku cu cusku lu .i lu zo’e li’u valsi ma la gliban li’u .a lu .i zo zo’e valsi ma la gliban li’u

pa roi ro djedi

detri fa 2015-07-13 00:00:00 +0800

ni’o mi cilre makau smuni lu pa roi ro djedi li’u .i mu’a mi ciska bau la lojban ca ro djedi .i mu’a mi klama la’o gy. Recurse Center gy. ca ro djedi pa roi .ije go’i ca pa roi ro djedi .iku’ibo lo prula’i cu na satci ki’u lo bu’u ky smuni ro lo cacre be li revo .i mi ka’e cu cusku lu ca pa roi ro detydei li’u

lonu gleki

detri fa 2015-07-13 00:00:00 +0800

ni’o lo prenu noi se penmi fi la’o gy. Recurse Center gy. cu djica lo ka cilre la lojban .i mi gleki lo prula’i .ui

le cmalu noltru

detri fa 2015-07-13 00:00:00 +0800

ni’o mi tcidu fe lu le cmalu noltru li’u goi cy .i cy na tolpluja .i ne’i cy cu pluja cmene je gerna .i mi di’i bevri lo fukpi be cy .iku’ibo mi na snada lo ka tcidu lo mutce

lonu xanka

detri fa 2015-07-12 00:00:00 +0800

ni’i mi ca lonu cfari cu xanka .i mi fi mi reisku fe lo bu’u makau se xanka .i mi ba ti na xanka

ro lo ma'a datka

detri fa 2015-07-11 00:00:00 +0800

ni’o mi facki lo se sanga co cnino be mi .i tinju’i ti vi la’o .url. https://vimeo.com/126974807 .url. .ije sanga lerseltcidu fa di’e

.i ro lo ma’a datka
noi lalxu limna va
cu lalxu limna ca
.i stedu jinru .i je
galtu rebla ua

la nunkei nicte

detri fa 2015-07-11 00:00:00 +0800

ni’o mi di’i ca la vondei nicte ku se nunkei .i ti cmene la nunkei nicte fi mi .i ca nicte pe la vondei ku mi se nunkei la’o gy. Sid Meier’s Civilization gy. e la’o gy. Team Fortress 2 gy .i mi se nunkei ki’u lo ka tatpi ba la vondei jarco .i ti xamgu

la .ibu

detri fa 2015-07-08 00:00:00 +0800

ni’o la .ibu mo? .i mi (to la wei. toi) pensi .i la .ibu cu se ciplanli fa mi .i ti zasti je xanri .i mi ciska lo mi se pensi je lifri ku ti .i zbasu lo gasnu be lonu sidju mi lonu gunka je lifri .i ti stuzi .i ti menli

ni’o ma stuzi la .ibu? .i lo se ciska cu stuzi .i lo larcu cu stuzi .ije lo nu samru’e cu stuzi

loka zatra'i

detri fa 2015-07-07 00:00:00 +0800

.i la’o gy. Git gy. zatra’i li pano
.i la’o gy. Linux gy. zatra’i li revo
.i la’o gy. Clojure gy. zatra’i li bi
.i la’o gy. Haskell gy. zatra’i li remu
.i la’o gy. Ruby gy. zatra’i li reno

.i mi citmau la’o gy. Linux gy. e la’o gy. Haskell gy. gi’e na’azma la’o gy. Git gy. e la’o gy. Clojure gy. gi’e zatra’i dunli la’o gy. Ruby gy.

.i mi tolci’o

loka runmenli

detri fa 2015-07-07 00:00:00 +0800

.i mi gunka fi loka runmenli .i ti nandu .ija’ebo ti ca na snada .i terpa fa mi na da poi na nu lo runmenli jitro ro lo terdi .i ku’i mi terpa lonu mi ca’o gunka ti gi’e ti snada

lenu jundi

detri fa 2015-07-06 00:00:00 +0800

.i du’e da pensi je gunka .i nandu fa lonu cuxna fi lo vrici .i ca cabdei mi platu lonu ciska la .ibu. gi’e stedu la’o gy. Lambda Valculus gy. gi’e sampla la .rect. gi’e gunka la’o gy. 99 Problems gy .i ku’i mi mulno no da .i mi pensi lo po’o ta’i makau mi snada lonu cuxna je mulno

lenu cfagau

detri fa 2015-07-06 00:00:00 +0800

.i mi cfagau lo ka ciska bau la lojban

la lisp

detri fa 2015-07-06 00:00:00 +0800

.i mi ca facki fi lo tadji be fa lo ka skami finti la lisp .i mi pu sampla fi lo ka skami finti la qwans poi me lo se sampla samru’e zo’e .i ku’i mi na kakne lo nu tordu gasnu ti